ಚಾಲಿಗೂ ಬರುತ್ತದೆ, ಕೆಂಪಡಿಕೆಗೆ ಆಗುತ್ತದೆ... ಲೋಕೇಶ ಹೆಗಡೆ ಪ್ರಯೋಗ

ಶಿರಸಿ ಬಳಿ ಕಾನಳ್ಳಿ ಊರಿನ ಲೋಕೇಶ ಹೆಗಡೆ ಇವರು ಮನೆಯ ಅಂಗಳದಲ್ಲಿ 3000 ಅಡಿಕೆ ಸಸಿಯನ್ನು ಸಂಪೂರ್ಣ ಸಾವಯವ ರೀತಿಯಲ್ಲಿ ತಯಾರು ಮಾಡಿದ್ದಾರೆ. ಅಡಿಕೆ ಸಸಿಯ ವಿಶೇಷತೆ ಏನೆಂದರೆ ಚಾಲಿಗೂ ಬರುತ್ತದೆ, ಕೆಂಪಡಿಕೆಗೆ ಆಗುತ್ತದೆ. 

ಹೇಗೆ ತಯಾರು ಮಾಡ್ತಾರೆ ಗೊತ್ತಾ?

ಕೊಟ್ಟೆಯಲ್ಲಿ ಅಡಿಕೆ ಹಾಕುವಾಗ ಪ್ರತಿ ವರ್ಷ ಫಲ ಬಿಡುವ ಉತ್ತಮ ಅಡಿಕೆ ಮರದ ಅಡಿಕೆ ಕೊನೆ ಬೀಜದ ಅಡಿಕೆ ಬಳಸುತ್ತಾರೆ. ಅಡಿಕೆಯ ಸಿಪ್ಪೆ ತೆಳ್ಳಗಿರಬೇಕು ಎನ್ನುತ್ತಾರೆ. ಕೊಟ್ಟೆಯಲ್ಲಿ ಇವರು ಮಣ್ಣು ಮತ್ತು ದಡ್ಡಿ ಗೊಬ್ಬರ ಮಾತ್ರ ಹಾಕಿ ನಿಯಮಿತವಾಗಿ ನೀರು ಉಣಿಸುತ್ತಾರೆ. ನಂತರದ ದಿನಗಳಲ್ಲಿ ಪ್ರತಿವಾರಕ್ಕೊಮ್ಮೆ ದಡ್ಡಿ ಗೊಬ್ಬರ, ಕೊಟ್ಟಿಗೆ ಯನ್ನು ತೊಳೆದ ನೀರನ್ನು ಹಾಯಿಸುತ್ತಾರೆ. ಇದರ ಜೊತೆ ಜೊತೆ ಇಡೀ ಸಸಿಗೆ ಗೋಮೂತ್ರ ಸಿಂಪಡಣೆ ಮಾಡುತ್ತಾರೆ. ಹೀಗಾದಾಗ ಮಾತ್ರ ಉತ್ತಮ ಗುಣಮಟ್ಟದ ಅಡಿಕೆ ಸಸಿ ತಯಾರಾಗುತ್ತದೆ ಎನ್ನುತ್ತಾರೆ ಲೋಕೇಶ ಹೆಗಡೆ. 

ಹಂಸ ವಾಟ್ಸಾಪ್ ಗುಂಪು ಸೇರಲು ಇಲ್ಲಿ ಒತ್ತಿ

ವಿವಿಧೆಡೆಯಿಂದ ಬೇಡಿಕೆ

14 ವರ್ಷಗಳಿಂದ ಬೇರೆ ಬೇರೆ ಊರಿನ ಜನರು ಇವರಿಂದ ಅಡಿಕೆ ಸಸಿಯನ್ನು ಕೊಂಡೊಯ್ದಿದ್ದಾರೆ. ಈಗಾಗಲೇ ಹಲವು ಕಡೆಗಳಲ್ಲಿ ಇವರು ನೀಡಿದ ಅಡಿಕೆ ಸಸಿ ಫಲಕ್ಕೆ ಬಂದಿದ್ದು, ಉತ್ತಮ ಅಭಿಪ್ರಾಯ ವ್ಯಕ್ತವಾಗಿದೆ. ತಮ್ಮ ಮನೆಯ ತೋಟಕ್ಕೆ ಹೇಗೆ ಅಡಿಕೆ ಸಸಿಯನ್ನು ತಯಾರು ಮಾಡಿದ್ದೇನೆಯೋ ಹಾಗೆಯೇ ಮಾರಾಟಕ್ಕೂ ತಾನು ಸಸಿ ತಾಯಾರು ಮಾಡಿದ್ದೇನೆ ಇದರಲ್ಲಿ ಯಾವುದೇ ವ್ಯತ್ಯಾಸ ಮಾಡಿಲ್ಲ ಅನ್ನುತ್ತಾರೆ. ಅದಕ್ಕಾಗಿ ಅವರ ಸಸಿಗೆ ಬಹಳ ಬೇಡಿಕೆ ಇದೆ. ಲೇಖನ ಪ್ರಕಟಿಸುವ ಹೊತ್ತಿನಲ್ಲಿ ಒಂದುವರೆ ವರ್ಷದ 2500 ಸಸಿ ಮಾರಾಟಕ್ಕೆ ಲಭ್ಯವಿದ್ದವು. ಅಡಿಕೆ ಸಸಿ ಬೇಕಾದವರು ಹಾಗೂ ನರ್ಸರಿ ಕೃಷಿ ಬಗ್ಗೆ ಮಾಹಿತಿ ಬೇಕಾದಲ್ಲಿ ಸಂಪರ್ಕ ಸಂಖ್ಯೆ 9480391876 ಮೂಲಕ ಹೆಗಡೆಯವರನ್ನು ತಲುಪಬಹುದು.

ಈ ಬಗ್ಗೆ ಹಂಸ ಯುಟ್ಯೂಬ್ ಚಾನೆಲ್ ನಲ್ಲಿ ವಿಡಿಯೋ ಕೂಡ ಪ್ರಸಾರವಾಗಿದೆ. ಕೆಳಗಿರುವ ಲಿಂಕ್ ಅನ್ನು ಕಾಪಿ ಮಾಡಿ ಗೂಗಲ್ ಸರ್ಚ್ ಮಾಡಿ

https://youtu.be/GkVNPxlmA7Y