ನ.14 ಪಂಚಲಿಂಗ ಕಾರ್ತಿಕ ದೀಪೋತ್ಸವ: ಧಾರ್ಮಿಕ ಕಾರ್ಯಕ್ರಮ ಮತ್ತು ನಾಟಕ ಪ್ರದರ್ಶನ

ನ.14 ಪಂಚಲಿಂಗ ಕಾರ್ತಿಕ ದೀಪೋತ್ಸವ: ಧಾರ್ಮಿಕ ಕಾರ್ಯಕ್ರಮ ಮತ್ತು ನಾಟಕ ಪ್ರದರ್ಶನ 

ಶಿರಸಿ: ತಾಲೂಕಿನ ಪ್ರಸಿದ್ಧ ಶಿವನ ತಾಣ ಎನಿಸಿರುವ ಪಂಚಲಿಂಗ ಶ್ರೀ ಲಕ್ಷ್ಮೀನಾರಾಯಣ ಶ್ರೀ ಪಂಚಲಿಂಗೇಶ್ವರ ದೇವರ ಕಾರ್ತಿಕ ದೀಪೋತ್ಸವ ನವೆಂಬರ್ 14 ಗುರುವಾರ ಜರುಗಲಿದೆ. 

ವೈಕುಂಠ ಚತುರ್ದಶಿ ನವೆಂಬರ್ 14 ಗುರುವಾರ ಮುಂಜಾನೆ 6.30 ಕ್ಕೆ ಶ್ರೀದೇವರ ಫಲ ಪಂಚಾಮೃತ ಅಭಿಷೇಕ ಹಾಗೂ ಶ್ರೀ ಲಕ್ಷ್ಮೀನಾರಾಯಣ ದೇವಾಲಯದಲ್ಲಿ ಅಥರ್ವಶೀರ್ಷ, ಏಕಾದಶ ರುದ್ರ, ಶ್ರೀಸೂಕ್ತ, ಪುರುಷಸೂಕ್ತ, ಕಲ್ಪೋಕ್ತ ಪೂಜೆ, ಹಾಗೂ ಶ್ರೀ ಈಶ್ವರ ದೇವಾಲಯದಲ್ಲಿ ಅಥರ್ವಶೀರ್ಷ, ದುರ್ಗಾಸೂಕ್ತಾದಿಪೂರ್ವಕ, ರುದ್ರಾಭಿಷೇಕ ಹಾಗೂ ಕಲ್ಪೋಕ್ತ ಪೂಜೆ ಮಧ್ಯಾಹ್ನ ಮಹಾಮಂಗಳಾರತಿ ಶ್ರೀ ದೇವರ ಪಲ್ಲಕ್ಕಿ ಉತ್ಸವ ಹಾಗೂ ಅನ್ನಸಂತರ್ಪಣೆ ನಡೆಯಲಿದೆ. ರಾತ್ರಿ ಶ್ರೀ ದೇವರ ಪಲ್ಲಕ್ಕಿ ಉತ್ಸವದ ಜೊತೆಯಲ್ಲಿ ದೀಪೋತ್ಸವ, ಅರಳಿಕಟ್ಟೆಯಲ್ಲಿ ಶ್ರೀ ದೇವರ ಪೂಜೆ ಹಾಗೂ ಶ್ರೀ ದೇವಸ್ಥಾನದಲ್ಲಿ ಅಷ್ಟಾವಧಾನ ಸೇವೆಯ ಕಾರ್ಯಕ್ರಮಗಳು ನಡೆಯಲಿವೆ. 

ನಾಟಕ ಸೇಡಿನ ಜ್ವಾಲೆ 

ರಾತ್ರಿ 11.30 ಕ್ಕೆ ಸರಿಯಾಗಿ ಹವ್ಯಾಸಿ ಕಲಾಬಳಗ, ಪಂಚಲಿಂಗ ಇವರಿಂದ ಆರ್. ಟಿ. ಹೆಗಡೆ, ತೀರ್ಥಗಾನ್ ಹಾಗೂ ಸುಬ್ರಾಯ ಹೆಗಡೆ, ಕಲ್ಲರೆಗದ್ದೆ ಇವರ ನಿರ್ದೇಶನದಲ್ಲಿ "ಸೇಡಿನ ಜ್ವಾಲೆ” ಎಂಬ ಸುಂದರ ಸಾಮಾಜಿಕ, ಸಂಗೀತ ನಾಟಕ ಪ್ರದರ್ಶನಗೊಳ್ಳಲಿದೆ. ಈ ಎಲ್ಲಾ ಕಾರ್ಯಕ್ರಮಗಳಿಗೆ ಸಮಸ್ತ ಭಕ್ತರೆಲ್ಲರೂ ಆಗಮಿಸಿ, ಶ್ರೀ ದೇವರ ಕೃಪೆಗೆ ಪಾತ್ರರಾಗಬೇಕಾಗಿ ಆಡಳಿತ ಮಂಡಳಿ ವಿನಂತಿಸಿದೆ.